"Тіл - халықтың байлығы"

Бүгін мектебімізде ел Тәуелсіздігінің 30 жылдығын мерекелеу және Қазақстан халқының тілдер күні апталығы аясында Л.Н.Гумилев атындағы Еуразия Ұлттық университеті қазақ әдебиеті кафедрасының доценті, филология ғылымдарының кандидаты, ақын, композитор Серікзат Дүйсенғазинмен кездесу өтті.

Апталықты қорытындылаған кездесуде, қадірлі қонақ пен оқушылар арасында жылы сұхбат, сұрақ-жауап, сүбелі әңгіме өрбіді. Жас ұрпақ тәрбиесі мен болашағына бей-жай қарамайтын елжанды азамат Серікзат Дүйсенғазин ағамызға  және мектебіміздің гуманитарлық бағыттағы ұстаздары мен тәрбие бөліміне әсерлі кездесу үшін үлкен алғыс білдіреміз!